ଜିଓ ଦେଲା ପୂଜା ଉପହାର:
‘ଜିଓ ଫୋନ ଦୀପାବଳୀ ଅଫର-୨୦୧୯’ ପରିପ୍ରେକ୍ଷୀରେ ପୂର୍ବରୁ ୧୫୦୦ଟଙ୍କାରେ ମିଳୁଥିବା ଜିଓ ଫୋନ ଏଣିକି ୬୯୯ଟଙ୍କାରେ ମିଳିବ। ଏଥିପାଇଁ ପୁରୁଣା ଫୋନ ଫେରାଇବା ପରି ଅନ୍ୟ କୌଣସି ସର୍ତ୍ତାବଳୀ ମଧ୍ୟ ନାହିଁ। ଗ୍ରାହକ ଏହି ଅଫର ସମୟ ମଧ୍ୟରେ ସିଧାସଳଖ ଜିଓ ଷ୍ଟୋରରୁ ୬୯୯ଟଙ୍କା ଦେଇ ଜିଓର ଫିଚର ଫୋନ ୬୯୯ଟଙ୍କାରେ କିଣି ପାରିବେ। ଏ ନେଇ ଜିଓ ପକ୍ଷରୁ ମଙ୍ଗଳବାର ଏକ ପ୍ରେସ ବିଜ୍ଞପ୍ତି ଜରିଆରେ ସୂଚନା ଦିଆଯାଇଛି।
ଜୁଲାଇ ୨୦୧୭ ଜିଓ ଏହି ଫିଚର ଫୋନକୁ ୧୫୦୦ଟଙ୍କାରେ ବିକ୍ରି ଆରମ୍ଭ କରିଥିଲା। ଗତ ବର୍ଷ ପୁରୁଣା ଫୋନ ଦେଇ ଏହି ଫୋନକୁ ୫୦୧ ଟଙ୍କାରେ କିଣାଯାଇ ପାରିବ ବୋଲି ଘୋଷଣା କରାଯାଇଥିଲା। ତେବେ ଏହାକୁ ଏବେ ଗ୍ରାହକ ସିଧାସଳଖ ୬୯୯ଟଙ୍କା ଦେଇ ଅଫର ଅବଧି ପର୍ଯ୍ୟନ୍ତ କିଣି ପାରିବେ ବୋଲି କୁହାଯାଇଛି। ଏହି ଅବଧି କେତେ ସମୟ ଯାଏଁ ବଳବତ୍ତର ରହିବର ସୂଚନା ସହ ଜିଓ ସଂପର୍କରେ ସବିଶେଷ ତଥ୍ୟ ପାଇଁ ଆମର ବ୍ଲଗକୁ ସବ୍ସ୍କ୍ରାଇବ କରନ୍ତୁ ଏବଂ ପେଜକୁ ଲାଇକ କରନ୍ତୁ।
ଜିଓର ଏହି ଅଫରରେ ରହିଥିବା ଅନ୍ୟ ଏକ ଅଫର ପରିପ୍ରେକ୍ଷୀରେ ସାତ ମାସ ମଧ୍ୟରେ ଏହି ମୂଲ୍ୟ ମଧ୍ୟ ଗ୍ରାହକଙ୍କୁ ଫେରସ୍ତ ହୋଇଯିବ। ତେବେ ଏହା ସିଧାସଳଖ କ୍ୟାଶବ୍ୟାକ ଜରିଆରେ ନ ମିଳି ପ୍ରତି ରିଚାର୍ଜ ସହ ସାତମାସ ଯାଏଁ ଅତିରିକ୍ତ ୯୯ଟଙ୍କାର ଡାଟା ମିଳିଯିବ।
ପ୍ରଥମେ ଆପଣ ଫୋନକୁ ରିଚାର୍ଜ କରିବା ପରେ ପରେ କଂପାନୀ ପକ୍ଷରୁ ଅତିରିକ୍ତ ଡାଟା ଯୋଡି ଦିଆଯିବ। ଏହି ଭଳି ଭାବେ ସାତ ମାସରେ ଗ୍ରାହକ ଏହି ଫୋନ କିଣିବା ବାବଦକୁ ଦେଇଥିବା ଟଙ୍କା ମଧ୍ୟ ଫେରସ୍ତ ପାଇଯିବ। ସହରାଞ୍ଚଳଠାରୁ ଆରମ୍ଭ କରି ଗ୍ରାମାଞ୍ଚଳ ପର୍ଯ୍ୟନ୍ତ ସମସ୍ତଙ୍କ ହାତରେ ଜିଓର ୪ଜି ଫୋନ ଧରାଇବା ଲକ୍ଷ୍ୟ ପରିପ୍ରେକ୍ଷୀରେ ଜିଓ ପକ୍ଷରୁ ଏଭଳି ପଦକ୍ଷେପ ନିଆ ଯାଇଥିବା ଜଣାପଡିଛି।
0 Comments