ଜାତୀୟ ଲଜ୍ଜ୍ୟା: ସମ୍ବଲପୁରରେ ଲଭ୍ ଜେହାଦ୍ ! Love Jihad at Sambalpur

କଲେଜ୍ ଛାତ୍ରୀଙ୍କୁ ପ୍ରତିଷ୍ଠିତ ବ୍ୟବସାୟୀଙ୍କ ଫାର୍ମ ହାଉସ୍‌ରେ ବଳାତ୍କାର

ଘଟଣା ପଛରେ ପ୍ରତିଷ୍ଠିତ ବ୍ୟବସାୟୀ ସିନ୍ଧୁ ସାହାଙ୍କ ପ୍ରୋତ୍ସାହନ ଅଭିଯୋଗ
ସିନ୍ଧୁ ସାହାଙ୍କ ସମେତ ୫ ଜଣଙ୍କ ନାମରେ ମାମଲା
କାର୍ଯ୍ୟାନୁଷ୍ଠାନ ଶୂନ୍ୟ
ପୂର୍ବରୁ ଅନ୍ୟ ଏକ ଝିଅର ଇଜ୍ଜତ ଲୁଟିଥିବା ର ଖୁଲାସା
ସନ୍ଦେହ ଘେରରେ ସମ୍ବଲପୁର ପୋଲିସ
ପୀଡ଼ିତାଙ୍କ ଠାରୁ ସତ ମିଛ ଲେଖାଇ ନିଆଯାଇଛି

News Stoppage/Dt 14.05.2021

ସମ୍ବଲପୁର, ୧୪/୫: ସମ୍ବଲପୁର ପରି ଶାନ୍ତିପ୍ରିୟ ଜିଲ୍ଲାରେ ଏବେ ଲଭ୍ ଜେହାଦ ପରି ଘଟଣା ସାମ୍ନାକୁ ଆସିଛି। ରାଜ୍ୟର ଏକ ପ୍ରତିଷ୍ଠିତ ସମ୍ବାଦପତ୍ର 'Sambad' ଅନୁସାରେ ଜଣେ ହିନ୍ଦୁ ସମ୍ପ୍ରଦାୟର କଲେଜ ଛାତ୍ରୀକୁ ପ୍ରଲୋଭିତ କରି ସଂଖ୍ୟାଲଘୁ ସମ୍ପ୍ରଦାୟର ଜଣେ ଯୁବକ ବାରମ୍ବାର ଯୌନ ଶୋଷଣ ପରେ ଗର୍ଭବତୀ କରିଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ସଂପୃକ୍ତ ଅଭିଯୁକ୍ତଙ୍କ ପଛରେ ସମ୍ବଲପୁରର ପୂର୍ବତନ ନଗରପାଳ ସିଦ୍ଧାର୍ଥ ସାହା (ସିନ୍ଧୁ)ଙ୍କ ଆଶୀର୍ବାଦ ରହିଥିବା କୁହାଯାଉଛି। ସିଦ୍ଧୁଙ୍କ ଫାର୍ମ ହାଉସ୍‌ରେ ଦୁଷ୍କର୍ମ କରାଯାଇଥିବା ପୀଡ଼ିତ ଅଭିଯୋଗ କରିଛନ୍ତି।ପୀଡ଼ିତା ଗର୍ଭବତୀ ହୋଇଯିବା ପରେ ସଂପୃକ୍ତ ସଂଖ୍ୟାଲଘୁ ସମ୍ପ୍ରଦାୟର ଉକ୍ତ ଯୁବକ ଗାଜି ବିବାହ କରିବାକୁ ଅମଂଗ ହୋଇଥିଲା। ଏଭଳି ସ୍ଥିତିରେ ପୀଡ଼ିତ ସହାୟତା ପାଇଁ ସିନ୍ଧୁ ସାହାଙ୍କ ପାଖକୁ ଯାଇଥିଲେ। ମାତ୍ର ସିନ୍ଧୁ ଶାରିରୀକ ସଂପର୍କ ରଖିଲେ ସହାୟତା କରିବେ ବୋଲି ଇସାରା କରିବାରୁ ପୀଡ଼ିତା ସେଠାରୁ ଚାଲି ଆସିଥିବା ତାଙ୍କ ଦାବିପତ୍ରରେ ଅଭିଯୋଗ କରିଛନ୍ତି। ଏହି ଘଟଣାକ୍ରମରେ ପୀଡ଼ିତା ବାରମ୍ବାର ପୋଲିସର ବିଭିନ୍ନ ଅଧିକାରୀଙ୍କ ନିକଟରେ ନିଜର ଅଭିଯୋଗ ଉପସ୍ଥାପନା କରିଥିଲେ ସୁଦ୍ଧା ସିଦ୍ଧୁଙ୍କ ନାମ ଆସୁଥିବାରୁ ତାଙ୍କୁ ଆଉ ସହଯୋଗ କରି ନାହାନ୍ତି; ବରଂ ବିଭିନ୍ନ ଉପାୟରେ ତାକୁ ମାମଲା ଆଗକୁ ନା ବଢ଼ାଇବା ପାଇଁ ପ୍ରଲୋଭିତ କରିଛନ୍ତି। ପୋଲିସ ଏସପିଙ୍କ ସହ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି ପୀଡ଼ିତା। ମାତ୍ର ଆଶ୍ଚର୍ୟ୍ଯ ଜନକ ଭାବେ ପୀଡ଼ିତା ଆଜି ଯାଏଁ ନ୍ୟାୟ ପାଇ ପାରି ନାହାନ୍ତି। Sambalpur ପୋଲିସ ପ୍ରଶାସନର ଭୂମିକାକୁ ନେଇ ଏବେ ପ୍ରଶ୍ନ ଉଠିଛି?? ପ୍ରତିଷ୍ଠିତ ବ୍ୟବସାୟୀ ସିଦ୍ଧୁଙ୍କ ହାତରେ ବିକ୍ରି ହୋଇ ଯାଇନି ତ ପ୍ରଶାସନ???

ପୀଡ଼ିତାଙ୍କ ଅଭିଯୋଗ ଅନୁଯାୟୀ, ସେ ସମ୍ବଲପୁର ଜିଲ୍ଲାର ଏକ କଲେଜରେ ସେ ପଢୁଥିବା ସମୟରେ ମୁସ୍‌ଲିମ୍ ସଂପ୍ରଦାୟର ଜଣେ ସହପାଠିନୀ ଙ୍କ ଜରିଆରେ ଅଭିଯୁକ୍ତ ଗାଜି ସହ ଭେଟ ହୋଇଥିଲା। ପରବର୍ତ୍ତୀ ସମୟରେ ଫୋନ ନମ୍ୱର୍ ଦିଆନିଆ ଏବଂ Facebook ଚାଟରୁ ପ୍ରେମ ହେଇଥିଲା।ପୀଡ଼ିତାଙ୍କ ଜନ୍ମଦିନ ଅବସରରେ ଗାଜି ତାଙ୍କୁ ସମ୍ବଲପୁର ରିଂରୋଡ଼କୁ ଆସିବା ପାଇଁ କହିଥିଲା। ସେଠାରେ ଗାଜିର ସାଙ୍ଗ ଇଫାନ୍ ଖାନ୍ ପାଣିରେ ନିଶାଦ୍ରବ୍ୟ ମିଶାଇ ପିଆଇ ଦେଇଥିଲା। ପାଣି ପିଇବା ପରେ ସେ ଅଚେତ୍ ହୋଇ ପଡ଼ିବାରୁ ତାକୁ ଗାଜି ନେଇ ସମ୍ବଲପୁର ସଦର ଥାନା ପାଖ ସିଦ୍ଧୁଙ୍କ ଫାର୍ମ ହାଉସରେ ବଳାତ୍କାର କରିଥିଲା। ଚେତା ଫେରିବା ପରେ ସେ ପ୍ରତିବାଦ କରିବାରୁ ଗାଜି ବାହା ହେବ ବୋଲି ପ୍ରତିଶ୍ରୁତି ଦେଇଥିଲା। ମାତ୍ର ସେହି ସମୟରେ ଉତ୍ତୋଳନ କରାଯାଇଥିବା ଫଟୋ ଦେଖାଇ ବ୍ଲାକ୍‌ ମେଲିଂ କରି ବାରଂବାର ତାଙ୍କୁ ସହିତ ଦୁଷ୍କର୍ମ କରିଥିଲା। ଫଳରେ ପୀଡ଼ିତା ଗର୍ଭବତୀ ହୋଇଥିଲେ। ହେଲେ ଗାଜି ବିବାହ କରିବାକୁ ଅମଂଗ ହୋଇଥିଲା।ଏଭଳି ସ୍ଥିତିରେ ସେ ସହାୟତା ପାଇଁ ସିନ୍ଧୁ ସାହାଙ୍କ ପାଖକୁ ଯାଇଥିଲେ। ମାତ୍ର ସିନ୍ଧୁ ଶାରିରୀକ ସଂପର୍କ ରଖିଲେ ସହାୟତା କରିବେ ବୋଲି ଇସାରା କରିବାରୁ ପୀଡ଼ିତା ସେଠାରୁ ଚାଲି ଆସିଥିଲେ ବୋଲି ଅଭିଯୋଗ କରିଥିଲେ।

ଅପରପକ୍ଷରେ ପୀଡ଼ିତାଙ୍କ ପରିବାର ଲୋକେ ଘଟଣା ସଂପର୍କରେ ଜାଣିବା ପରେ ପାଲଟା ତାଙ୍କୁ ଗାଳିଗୁଲଜ କରିବା ଆରମ୍ଭ ଦେଇଥିଲେ। ଏଭଳି ସ୍ଥିତିରେ ସେ ବାଧ୍ୟ ହୋଇ ଘରୁ ଚାଲି ଆସି ନ୍ୟାୟ ପାଇଁ ଶାସନ ଥାନାର ଦ୍ବାରସ୍ଥ ହୋଇଥିଲେ। ମାତ୍ର ଶାସନ ଥାନା ପୁଲିସ କିଛି ଶୁଣିନଥିଲା। ତେବେ, ତତ୍କାଳୀନ ସମ୍ବଲପୁର ଏସ୍‌ପି ବିଶାଳ କନର ସିଂଙ୍କ ହସ୍ତକ୍ଷେପ ପରେ ଶାସନ ପୁଲିସ ଅଭିଯୋଗକୁ ଗୁରୁତ୍ବ ଦେଇଥିଲା। ଗାଜିକୁ ଏସ୍‌ଡିପିଓଙ୍କ କାର୍ଯ୍ୟାଳୟକୁ ଡକାଇ ବିବାହ ନିମନ୍ତେ ରାଜି କରାଇଥିଲା। ବିବାହ ପରେ କିନ୍ତୁ ଗାଜି, ତାଙ୍କ ଭାଇ ରାଜା ଓ ପରିବାର ଲୋକେ ଯୌତୁକ ଦାବି କରି ନିର୍ଯାତନା ଦେବା ଆରମ୍ଭ କରି ଦେଇଥିଲେ। ପୀଡ଼ିତାଙ୍କ ବାପା ଯୌତୁକ ଦେବାକୁ ମନା କରିବାରୁ ତାଙ୍କୁ ଦିନେ କୋରେକ୍ସ ପିଆଇ ରିଂରୋଡ଼ରେ ଛାଡ଼ି ଦେଇଥିଲେ। ଏଭଳି ସ୍ଥିତିରେ ସେ ମହାନଦୀ ବ୍ରିଜ୍‌ ଉପରୁ ଆତ୍ମହତ୍ୟା କରିବାକୁ ଚେଷ୍ଟା କରୁଥିବା ବେଳେ କେହି ଜଣେ ତାଙ୍କୁ ଉଦ୍ଧାର କରିଥିଲେ। ତାଙ୍କୁ ଆଶ୍ରମ(ସର୍ଟ ଷ୍ଟେ ହୋମ)କୁ ପଠେଇ ଦିଆ ଯାଇଥିଲା।

ଗାଜି ଯେହେତୁ ସିନ୍ଧୁ ସାହାଙ୍କ କଥା ମାନିଥାଏ, ତେଣୁ ସିଦ୍ଧୁ କହିଦେଲେ ଗାଜି ରାଜି ହୋଇଯିବ ଭାବି ପୁଣିଥରେ ସିନ୍ଧୁଙ୍କ ପାଖକୁ ଯାଇଥିଲେ ହେଲେ ସିନ୍ଧୁ ଏଥର ‘୫ଦିନ ସାଂଗରେ ରହିଲେ’ ସମସ୍ୟାର ସମାଧାନ କରିଦେବେ ବୋଲି ସର୍ତ୍ତ ରଖିବାରୁ ସେ ଚାଲି ଆସିଥିଲେ ବୋଲି ଜିଲ୍ଲାପାଳଙ୍କୁ ଲେଖିଥିବା ଚିଠିରେ ପୀଡ଼ିତା ଅଭିଯୋଗ କରିଛନ୍ତି। କେବଳ ସେତିକି ନୁହେଁ, ସିନ୍ଧୁ ଅନ୍ୟ ଜଣେ ଝିଅ ସହିତ ମଧ୍ୟ ଏଭଳି ଖରାପ କାମ କରିଥିବା ସଂକ୍ରାନ୍ତରେ ଏହି ଅଭିଯୋଗପତ୍ରରେ ସେ ଉଲ୍ଲେଖ କରିଛନ୍ତି। ସଂପୃକ୍ତ ଝିଅ ନିଜେ ତାଙ୍କ ସହିତ ହୋଇଥିବା ଅକଥନୀୟ ଅତ୍ୟାଚାର ସଂକ୍ରାନ୍ତରେ କହିଥିଲେ ବୋଲି ମଧ୍ୟ ପୀଡ଼ିତା ଏଥିରେ ଦର୍ଶାଇଛନ୍ତି। ପରବର୍ତ୍ତୀ ସମୟରେ ସିଦ୍ଧୁଙ୍କ ଯୋଗୁଁ ସେହି ଝିଅ ଆତ୍ମହତ୍ୟା କରିଥିବା କିମ୍ବା ତାଙ୍କୁ ହତ୍ୟା କରାଯାଇଥିବା କଥା ସେ ଶୁଣିବାକୁ ପାଇଥିଲେ ବୋଲି ମଧ୍ୟ ଅଭିଯୋଗ ଆଣିଛନ୍ତି। ଅଭିଯୋଗପତ୍ର ମିଳିବା ପରେ ଜିଲ୍ଲାପାଳ ଆବଶ୍ୟକ କାର୍ଯ୍ୟାନୁଷ୍ଠାନ ପାଇଁ ଗତ ମାର୍ଚ୍ଚ ମାସରେ ସମ୍ବଲପୁର ଏସ୍‌ପିଙ୍କ ପାଖକୁ ପଠେଇଥିଲେ। ଏସ୍‌ପିଙ୍କ ନିର୍ଦେଶ ପରପରେ ସମ୍ବଲପୁର ଟାଉନ ଥାନା ପୁଲିସ ଏପ୍ରିଲ ମାସରେ ସିନ୍ଧୁ ସାହାଙ୍କ ସହିତ ଇଫାନ ଖାନା, ଗାଜି, ରାଜା ଏବଂ ପୀଡ଼ିତାଙ୍କ ଶାଶୂଙ୍କ ବିରୋଧରେ ବାଧ୍ୟ ହୋଇ ମାମଲା ରୁଜୁ କରଛି। ତେବେ, ସିନ୍ଧୁ ସାହାଙ୍କୁ ଏହି ମାମଲାରେ ସହିତ ବଞ୍ଚେଇବା ପାଇଁ ପୁଲିସ ଅତ୍ୟନ୍ତ ଚତୁରତାର ସହିତ କାମ କରିଛି ବୋଲି ପୀଡ଼ିତା କହିଛନ୍ତି। ତାଙ୍କୁ ବାରଂବାର ଥାନାକୁ ଡାକି ‘ଗାଜି ସହିତ ରହିବା ବ୍ୟବସ୍ଥା କରାଇବେ ବୋଲି ଟାଉନ ପୁଲିସ ଲୋଭ ଦେଖାଇଥିଲେ। ଅତ୍ୟନ୍ତ ଚତୁରତା ସହିତ ତଥା ଚାପ ପ୍ରୟୋଗ କରି ‘ ଅଭିଯୋଗ ମଧ୍ୟରୁ ଅଧା ସତ ଓ ଅଧା ମିଛ .. ବୋଲି ଏକ କାଗଜରେ ଲେଖାଇବା ସହିତ ଭିଡିଓ କରାଇ ତାଙ୍କ ବୟାନ ନେଇଥିଲେ। ତେବେ, ପରବର୍ତ୍ତୀ ସମୟରେ ସେ ଏହି ମାମଲାରେ ସିନ୍ଧୁ ସାହାଙ୍କ ସଂପୃକ୍ତି ନଥିବା ନେଇ ତାଙ୍କଠାରୁ ବୟାନ ନିଆଯାଇଥିଲା ବୋଲି କାଗଜପତ୍ରରେ ଉଲ୍ଲେଖ କରିଥିବା ପୀଡ଼ିତା ଅଭିଯୋଗ କରିଛନ୍ତି। ପୁଲିସ କହିବା ପରେ ଗାଜି ଘରଭଡ଼ା ନେଇ ତାଙ୍କୁ ରଖିଥିଲା। ହେଲେ କିଛିଦିନ ପରେ ପୁଲିସ ଗାଜିକୁ ଗିରଫ କରି ଜେଲ ପଠାଇ ଦେଇଛି। ସିନ୍ଧୁଙ୍କୁ ବଞ୍ଚାଇବା ପାଇଁ ପୁଲିସ ତାଙ୍କ ସହିତ ଧୋକା କରିଛି ବୋଲି ପୀଡ଼ିତା କହିଛନ୍ତି।

ଗାଜି ଓ ସିନ୍ଧୁ ବିଷୟରେ ଅଭିଯୋଗ କରିବାକୁ ଯିବାରୁ ଜଣେ ପୀଡ଼ିତା କିଭଳି ଭାବେ ହଇରାଣ ର ଶିକାର ହେବାକୁ ପଡ଼ିଛି ତାର ଏକ ଜ୍ୱଳନ୍ତ ଉଦାହରଣ ହେଉଛି ଏହି ଘଟଣା। ସମ୍ବଲପୁର ଟାଉନ ଥାନା ପୁଲିସ, ସଖୀ ସେଣ୍ଟର କିମ୍ବା ମହିଳା ପୁଲିସ କେହି ମଧ୍ୟ ପୀଡ଼ିତା କୁ ସାହାଯ୍ୟ କରି ନାହାନ୍ତି। ବାରଂବାର ଦୌଡ଼ିବା ପରେ ମହିଳା ପୁଲିସ କେସ୍ ରୁଜୁ କରିଥିଲା ସତ ମାତ୍ର ଗିରଫ କଲା ନାହିଁ । ପାଲଟା ଗାଜି ‘ତୁମକୁ ସାଂଗରେ ରଖିବ’ ବୋଲି କହି ପୁଣି ସର୍ଟ ଷ୍ଟେ ହୋମକୁ ପଠେଇ ଦେଇଥିଲା।

ଦିଲ୍ଲୀ, ଉତ୍ତରପ୍ରଦେଶରେ ଏଭଳି ଘଟଣା ସାରା ଦେଶକୁ ଦୋହଲାଇ ଦେଇଥିବା ବେଳେ ସମ୍ବଲପୁରରେ ଏହାକୁ ଚାପି ଦିଆଯିବା ଲଜ୍ଜ୍ୟାଜନକ ବୋଲି ଆପଣ ମନେ କରୁ ନାହାନ୍ତି କି??

ପ୍ରତିଦିନ ନୂଆ ନୂଆ ଖବର ପାଇଁ ଆମର ଚାନେଲକୁ like କରିବା ସହ follow କରନ୍ତୁ।